Episode Guests: Christine Nangle & Ryan Perez هذه الحلقة سجلت كاملة باللغة الإنجليزية لكون ضيوف الحلقة من الولايات المتحدة الأمريكية. كرستين نانجل و رايان بيريز هم كتاب كوميديا يعملون في هوليود كاليفورنيا، وقد كانا ضمن فريق كتاب برنامج الكوميديا العريق “ساتيرداي نايت لايف” لعدة سنوات… كما عمل رايان على عدة برامج أخرى مثل “فني أور داي” وتعمل كرستين حالياً ككاتبة على البرنامج العريق “ذي سيمبسونز” وقد شاركا في إدارة ورشة عمل للكتابة الكوميدية والتي كان عمار ضمن المتدربين فيها، فطلب منهما تسجيل حلقة للبرنامج. Our guests today are two comedy writers from Hollywood who worked on shows like Saturday Night Live, Inside Amy Schumer, Funny or Die & The Simpsons. This was their first trip to the Middle East as part of a sketch comedy writing workshop that was held by the American Film Showcase and organized by the American Embassy in Abu Dhabi. Ammar was part of that workshop and took the opportunity to ask them to record an episode with him, which they thankfully agreed to… and… Live From A.D. It’s The Writers

ضيوف الحلقة: فايز مليباري و عمير طيبة حلقة اليوم هي الحلقة الثالثة على التوالي من مدينة الرياض وكانت مليانة فلسفة… وبدأنا الكلام بفلسفة سقراط في التعليم (سقراط الفيلسوف مو اللاعب البرازيلي) وكملنا الفلسفة في مجالات كثيرة من الدراسة للتواصل بالإيميلات اللي تنرفز زي لمن ترسل رسالة طويلة ويجيك الرد بكلمة أو إثنين. وفايز سأل كيف كان ممكن حياتنا اليوم تكون مختلفة لو كنا أخترعنا الرسائل الإلكترونية قبل التواصل الصوتي؟ هل كانت أجهزتنا كلها مصممة بشكل مختلف؟ وهل استخدام الروبوتات اليوم والبرامج حتنهي الكثير من وظائفنا؟ وهل مشاعرنا وكبريائنا كبشر هي سبب في نجاحنا أو فشلنا؟

ضيوف الحلقة: عبدالله الراشد عبدالعزيز المعيقل عمير طيبة حلقتنا الثانية من مدينة الرياض اليوم مع أصدقائنا المميزين من بودكاست ”الكورة معنا“ عبدالله الراشد و عبدالعزيز المعيقل! ولأن عمار ماله في الكورة كثير ورامي مسافر، شاركنا الحلقة صديق البرنامج الصدوق عمير طيبة. ناقشنا الكورة والفرق المحلية والعالمية، طرق التدريب وليش المستوى العالمي أفضل من مستوانا المحلي. وهل المدرب هو السبب الوحيد لنجاح أو فشل أي فريق؟ ومافي أي نقاش كورة ما يخلى من السؤال ” من أفضل رونالدو أو ميسي؟“. وفي مواضيع كثيرة أتكلمنا عليها من إنتاج البودكاست وكمان الألعاب الإلكترونية وتأثيرها على الأجيال الجديدة بأنواعها… الكورة اليوم صارت معنا

ضيوف الحلقة: عبدالله سعيد، عمرو رشاد و عبدالله سعيد رافعة هذه الأيام كثير ناس عندهم أصحاب أتعرفوا عليهم على واحدة من برامج التواصل الإجتماعي… وصار طبيعي اننا نتعرف على أشخاص ما قد قابلناهم. هذا كان حالنا مع أصدقائنا من تويتر عبدالله سعيد وعمرو رشاد! محركي رسوم (آنيميتورز) في شركة ميركوت المنتجة لبرنامج مسامير و يعرب واليوم بيشتغلوا على فيلم مسامير اللي حيكون في دور السينما في يناير ٢٠٢٠ بإذن الله. وعلى قد ما كانوا عبدالله وعمرو رهيبين على تويتر… طلعوا أرهب على الطبيعة! وأتكلمنا معاهم عن الرسوم المتحركة وحكونا على التخصص والعمل في هذا المجال.… حرك مسامير وحرك سمسم

ضيفة الحلقة: د. كايرو عرفات حلقة اليوم مميزة بالنسبة لعمار… لأنه سجلها مع الإنسانة والمعلمة والمربية القديرة (والدافورة كمان لأن عندها شهادتين دكتوراه واحدة في التعليم والثانية في علم النفس) إللي أعطته الفرصة إنه يعيش حلمه ويطور نفسه في عالم الترفيه التعليمي. د. كايرو عرفات كانت المدير العام لمؤسسة بداية للإعلام، الجهة المنتجة لبرنامج افتح ياسمسم وكانت د. كايرو برضه المنتجة التنفيذية للبرنامج والمسؤولة عن المنهج التعليمي للبرنامج كمان. وهي اللي وظفت عمار في المؤسسة في منصب المدير الإبداعي ومسؤول تحريك الدمى للثلاثة سنوات الأخيرة ويوم تسجيل الحلقة كان آخر يوم لها في المؤسسة لأنها… يوم نهاية بداية قاهرة بأبوظبي

متخيلين إنه أربعة سنوات عدت من بداية بودكاست مستدفر؟ ما كنا نتخيل انه حيكون عندنا جمهور عظيم زيكم إللي حيحمسونا اننا نستمر ونعطيكم أفضل ما عندنا سنه ورا سنة! وعشان كده حبينا نشكركم ونحتفل بهذه المناسبة معاكم… فقمنا بتسجيل حلقة جماعية مع مستمعينا في جدة يوم ٢٧ أغسطس ٢٠١٩ في مكاتب فايبز إللي أعطونا مكان حلو نسجل فيه هذه الحلقة! كان معانا أكبر عدد ضيوف في تاريخ البرنامج بالإضافة إلى بعض الأصدقاء والمؤسسين لشبكة مستدفر زي عمير طيبة و خيرة بندقجي وفيصل عسيري… وبعض مقدمي برامج البودكاست زي أشرف فادن وعبدالحميد الصبان من بودكاست إيش… لما كلنا أحتفلنا بأربعة سنوات

من المهم ان الواحد يكون عنده الحرية انه يعبر عن رأية… في نفس الوقت من حق كل صانع محتوى انه ينتج محتواه بالطريقة اللي تعجبه واللي يشوف انها مناسبة له. ونحن في مستدفر نؤمن بهذه المبادئ وفي نفس الوقت نؤمن بأهمية رأي مستمعينا اللي ممكن يساعدنا في تطوير محتوانا في حال رأيهم كان متماشي مع توجه البرنامج. وبالتالي من الحين للآخر بنقعد من أحد مستمعينا وندردش عن بعض المواضيع اللي سمعوها في حلقاتنا… وردة فعلهم لها… وأيش ممكن يضيفوا على الموضوع. اليوم قعدنا مع المهندس الكيميائي خالد الأحمدي اللي تكرم عينا بوقته واتكلم معانا عن… ترا إذا عطشان فغيرك مرتوي

من أكثر الحلقات اللي نحب تسجيلها شخصياً هي الحلقات اللي تكون مع زملائنا من مقدمي البودكاست! وعشان كدة اليوم جيبنا لكم حلقة تحفة مع الشباب من بودكاست هاوس زوفي! والحلقة اليوم هي امتداد لحلقة رقم ٩ من الموسم الخامس من بودكاست هاوس زوفي اللي سجلناها معاهم قبل أيام… وبالتالي لو حابين تسمعوا الجزء الأول من الحلقة ممكن تسمعوها على الرابط: https://soundcloud.com/housezofi/s05e09 كان معانا في الحلقة اليوم فوزي محسون ومحمد الشمالي (Silver Mask) وفراس قشقري اللي أتكلمنا معاهم على أفلام كرتون زمان… مجلة باسم وبعض شخصيات وذكريات أيام الطيبين. الحلقة كانت جداً ممتعة في التسجيل وعارفين… هاوس زوفي و علوم الطيبين

لمن نقضي سنين من حياتنا نسوي شغلة معينة وبعدين ننقطع عنها تماماً… حيجي علينا وقت اللي نحن في لحياتنا الأولانية! وهذا بالضبط اللي صار مع عمار وكان أحد الأسباب لتسجيل هذه الحلقة. السبب الرئيسي هو لأنه كل ما يشوف شغل ضيف حلقتنا اليوم يندم للحظة انه ترك عالم التصميم المعماري ويتمنى لو كان يقدر يفتح مكتبه الخاص. ضيف اليوم هو المصمم المعماري المبدع خالد هاشم واللي استضافنا في مكتبه ودردشنا عن عالم التصميم المعماري بمحاسنه ومشاكله اللي غالباً ما تتمحور حول العملاء… وكمان دخلنا في بعض دروس الحياة المختلفة اللي عدينا فيها عبر السنين. إذا… جلسة معمارية مع حصة جمال