بمشاركة [ لينا بابصيل ] اهتماماتنا كبشر تختلف من شخص لآخر… لكن مع الاختلافات هذه نلاقي انه في كثير ناس تتلاقى اختلافاتهم في نقطة واحدة، ألا وهي إفادة المجتمع من حولهم. هذولا الناس ما يكفيهم فقط انهم يعيشوا أو يسووا فلوس… بالنسبة لهم وجود تأثير ايجابي على من حولهم جزء لا يتجزأ من كيانهم. في حلقة اليوم شاركنا الحديث أحد هذولا الناس اللي حبوا يكرسوا جزء كبير من وقتهم للصناعة… صديقتنا الجديدة لينا بابصيل اللي زارتنا اليوم ودردشت معانا في مواضيع مختلفة تتمحور حول الفائدة العامة للمجتمع.

بمشاركة [ جميلة و محمد ] لما تلاقي نفسك في غرفة واحدة مع ناس جمعو ما بين الفلسفة الروحانية والإبداع الفني… ثق تماماً ان سياق الحديث حيكون ممتع وشيق لكل الأطراف. وهذا بالضبط اللي صار معانا في حلقة اليوم مع صديقتنا الجديدة الأستاذة جميلة اللي جمعت ما بين الفلسفة والفن الباليه، وصديق البرنامج ومقدم بودكاست ورقة بيضا أخونا محمد.

ضيف الحلقة [ عمرو ضياء ] قبل سنتين سجلنا حلقة رقم ٢٢٧ كان عنوانها ”أصلاً الصراحة مع الكل راحة“ وبعد نشرها سرعان ما صارت واحدة من أكثر الحلقات استماعاً. ومع ذلك في ناس ما أتفقوا مع العنوان وحسوا الصراحة ماهي راحة، فاليوم قلنا خلينا نرجع ونكمل الهرجة مع صديقنا الفنان عمرو ضياء واللي كالعادة تشعب لأكثر من موضوع ومجموعة من القصص والدروس اللي اتعلمناها على مر السنين. وكمان حابين نقول لكم انه هذه الحلقة برعاية مكاتب ڤايبز… الحل الامثل لمساحات العمل المشتركة… وكمان بيت مستدفر من ٢٠١٩ واذا انتم من رواد الأعمال أو حتى من… أصلاً الصراحة مو دائماً راحة

بمشاركة [ عبدالله غازي ] الارتباط بأي شخص آخر عمره ما كان حاجة سهلة… بغض النظر إذا كانت علاقة صحوبية أفلاطونية بين أصدقاء في المدرسة أو علاقة إرتباط عاطفي بين شاب وشابة مخطوبين ومقبلين على الزواج… في أول الفترة نكون متحمسين ومبسوطين بالعالم الجديد اللي انفتح لنا. لكن بعد فترة تبدأ الكلاكيع تطلع… واذا ما كنا مستعدين لها ممكن العلاقة تنتهي فجأة. ولأنه دكتورنا الرهيب الضايع عبدالله غازي زارنا في الاستديو اليوم قررنا نفتح معاه الموضوع ونشوف رأيه فيه… وكالعادة ما خيب ظننا!

بمشاركة [ خالد موس ] اليوم كانت جلستنا شوية رايقة وفلسفية… ومن العنوان يمكن واضح نوع المواضيع اللي دخلنا فيها. وكالعادة كل ما زارنا الكوميديان المبدع والفيلسوف الدافور خالد موس… طبيعي يكون عيار الفلسفة في النقاش عالي جداً.

Featuring [ Jessica Beck & Aubrey Carter ] For us as not native English speakers when we study the language we don’t necessarily learn it and use it properly, so a few educators came together and created a better way to learn English to help us move from stuck to fearless to fluent. So get rid of that dull old textbook! When you learn English, you should feel motivated and our friends at All Ears English think that communicating with others is the main benefit of learning English. By concentrating on your errors, do not… All Ears English Granting a Wish

بمشاركة [ عمر ملائكة و مصطفى أحمد ] اليوم التطور في التقنية أعطانا تطور كبير جداً في عالم البيانات.. ووفرة البيانات هذه إذا استخدمت بشكل صحيح ممكن تدر فوائد كبيرة للمستخدمين أصحاب البيانات… وكمان مقدمي الخدمات اللي عرفوا كيف يوظفوا هذه البيانات لمصلحة الطرفين. وعشان نفهم الموضوع بشكل أكبر زارنا اليوم الشريك المؤسس والرئيس التنفيذي لشركة كوانتم صديقنا والدافور بزنسي الكبير عمر ملائكة… وكمان في وسط الحلقة انضم إلينا صديق جديد ودافور في عالم التقنية المالية والبرمجة الأستاذ مصطفى أحمد وهو مؤسس شركة ”بيبر“ اللي تقدم خدمات جديدة في عالم التقنية المالية.

بمشاركة [ عبدالرحمن السفياني و فيصل العسيري ] مع تقدم التقنية في عالم البرمجة والتطور اللي صرنا نشوفه في أنواع التسهيلات الحياتية… صار كل يوم والثاني تطلع لنا مصطلحات جديدة تغير العالم وثلاثة أرباعنا مو فاهمين إيش معناتها. وأحد هذه المصطلحات هي مصطلح ”فينتيك“ واللي هو إختصار لكلمتي ”التقنية المالية“. والسؤال الأهم… إيش هي أبعاد التقنية المالية وتأثيرها على معاملاتنا اليومية؟ ولحسن الحظ صديقنا الدافور وخبير الفينتيك الأستاذ عبدالرحمن السفياني شارك معانا في حلقة اليوم وشرح لنا عن عالم وتاريخ التقنية لمالية وكل التفاصيل اللي ممكن تفيدنا اليوم. عبدالرحمن هو أحد مؤسسي شركة سبليفايد وهي… فلوس مفزلكة تفنتك الفنتكة

بمشاركة [ هاشم الزين ] أكيد أغلبنا سمع ببرامج الذكاء الإصتناعي اللي كثير صاروا بيستخدموها زي شات جي بي تي وميد جيرني وغيرها… وكثير من الناس خايفين من هذه البرامج وتأثيرها السلبي على حياة البشرية. لكن هل فعلاً هذه التقنيات بتشكل خطر علينا؟ إي نعم في وظائف غالباً حتنقرض مع تطور هذه البرامج… بس هذا حالنا على مر التاريخ… نفقد وظائف بسبب التقنية ونكسب وظائف جديدة. وأهم عامل في هذه المعادلة اللي ممكن ينقذنا هو عامل الإبداع! وهذا الشيء اللي صديقنا المبدع د. هاشم الزين حب يناقشه معانا في حلقة اليوم.